"Azərbaycan və Qazaxıstan Astanada keçirilən görüşdə Bakı-Tbilisi-Ceyhan boru kəmərinin Qazaxıstan nefti ilə doldurulmasına dair hökumətlərarası saziş üzrə bütün məsələləri həll edib", - bu barədə Trend ə "Kazmunayqaz" QSC-yə yaxın mənbələr məlumat verib. Tərəflər gələcək sənədlə bağlı əsas məsələlərin həlli üzrə razılığa gəlib. "Ən yaxın zamanlarda həllini tapacaq xırda detallar isə istisnadır", - deyə mənbədən bildirilib.
"Kaşaqan" layihəsinin səhmdarları 2008-2009-cu illərdə BTC ilə 7,5 mln ton neft nəql etməyi öhdələrinə götürüblər. BTC boru kəməri ildə 50 mln ton neft daşfmaq qabiliyyətinə malikdir.
Mənbələrin sözlərinə görə, cari ilin sonuna və ya gələn ilin ortalarına qədər bütün məsələlər həll olunacaq. "Lakin şirkət rəhbərləri səviyyəsində onlar öz həllini tapıb", - deyə mənbədən qeyd edilib.