2005-ci ilin yanvar-noyabrında Azərenerji SC sistemində 20,051mlrd. kVt/saatdan çox elektrik energisi hasil edilib. Bu barədə Trend ə SC-nin mətbuat xidmətində bildirilib. Azərenerji SC-nin Mərkəzi dispetçer idarəsinin məlumatına görə, istilik elektrik stansiyalarının payına - 17,359 mlrd. kVt/s, su elektrik stansiyalarının - 2,692 mlrd. kV/s. düşür. Eyni zamanda həmin dövr ərzində qonşu dövlətlərlə - Rusiya (924,531 mln. kVt/s), İran (578,332 mln. kVt/s) və Türkiyə (358,736 mln. kVt/s) - elektrik enerjisinin plana əsasən axını davam etdirilib.
Noyabrda sistemdə 2,042 mlrd. kVt/saatdan çox elektrik enerjisi istehsal edilib. Su elektrik stansyiaları tərəfindən təxminən 296 mln. kVt/s, istilik elektrik stansiyaları tərəfindən - 1,746 mlrd. kVt/s elektrik enerjisi hasil edilib. Enerji mübadiləsi nəticəsində Rusiyadan 76,353 mln. kVt/s, İrandan 70,7 mln. kVt/s və Türkiyədən 36,1 mln. kVt/s elektrik enerjisi alınıb. Eyni zamanda bu ölkələrə qaytarma - Rusiyaya 32,110 mln. kVt/s, İrana - 9,09 mln. kVt/s təşkil edib.
İlin sonunadək enerji hasilatının həcminin 23 mlrd. kVt/s təşkil edəcəyi proqnozlaşdırılır. Azərenerji SC sistemində 2004-cü il ərzində 21,344 mlpd. kVt/saatdan çox elektrik enerjisi hasil edilib. Su elektrik stansiyalarının payına 2,755 mlrd. kVt/s, istilik elektrik stansiyalarının payına isə - 18,589 mlrd. kVt/s düşür.
