"Gəncəelektrikşəbəkə" və "Əlibayramlıelektrikşəbəkə" SC-nin idarə edilməsi üzrə hökumətlə Bayva-Energy arasında müqavilənin pozulması Azərbaycanın regionlarının elektrik təchizatına təsir etməyəcək. İqtisadi İnkişaf Nazirliyinin energetika məsələləri üzrə müşaviri Kərim Ramazanovun Trend ə verdiyi məlumata görə, 46 rayonun elektrik təchizatı ilə "Azərenerji" SC məşğul olacaq. Enerjipaylayıcı şəbəkələrin SC-ə təhvil verilməsi üçün təhvil-təslim prosesi həyata keçirilməlidir.
Enerji şəbəkələrinin idarə edilməsində Siemens-in mümkün marağına toxunan Kərim Ramazanov qeyd edib ki, bu şirkət bir neçə il əvvəl elektrik şəbəkələrinin təhvil verilməsi üzrə keçirilən tenderin gedişində müsabiqədə iştirak etməyib. Ona görə də bu gün şirkətin bu şəbəkələrin idarə olunmasında maraqlı olduğunu söyləmək çətindir. Əgər Azərbaycan hökuməti bu elektrik şəbəkələrinin idarə edilməsinin təkrar təhvil verilməsi barədə qərar çıxararsa, onda bu işdə maraqlı olan şirkət müəyyən olunacaq.