"Azəri-Çıraq-Günəşli" yataqlar blokunun işlənib hazırlanması layihəsinin operatoru olan BP sonuncu - 10-cu öncə qazma istismar quyusunun "Azəri" yatağının mərkəzi hissəsində qurulmuş platforma ilə birləşdirilməsini başa çatdırıb. Bu barədə Trend ə şirkətdən məlumat verilib. Martda şirkət platformada qazma işlərinə başlamaq niyyətindədir. Bu il 4 quyunun qazılması planlaşdırılır.
Öncə qazma quyusunun qazılması proqramı çərçivəsində yataqda 12 quyu qazılıb. Bunlardan 10-u istismar hasilat, 1-i qazın laya vurulması, 1-i isə qazma şlamının vurulması quyularıdır.
Bu il "AÇG" yatağından hasilatın həcminin sutkada 458 min barel olacağı gözlənilir. Bu göstəricinin 19 min barelinin "Şahdəniz" yatağından (kondensat) əldə olunacağı nəzərdə tutulub. "Çıraq"da sutkada 138 min barel, "Mərkəzi Azəri"də - 226 min barel, "Qərbi Azəri"də isə 75 min barel neft hasil ediləcək.