Azərbaycan Dövlət Neft şirkəti Gürcüstanın Batumi limanından bir partiya mənfəət neftinin satışı üzrə tender elan edib. AR DNŞ-dən Trend ə verilən məlumata görə, tenderdə "Azəri-Çıraq-Günəşli" yataqlar blokundan hasil edilən 80 min ton (600 min barel) Azəri Light növlü neft satışa çıxarılır.
Neftin 31 mart - 1 aprel tarixində Batumidən yüklənəcəyi gözlənilir. Tenderin martın 9-da bağlı elan edilməsi nəzərdə tutulur.
Batumi neft terminalı ildə 15 mln tonadək neft yükü daşımaq qabiliyyətinə malikdir. Termirnal 4 körpüdə 30-90 min ton tutumlu tankerlərə xidmət edir. Hazırda terminalın ehtiyat parkının gücü təxminən 530 min tondur, bu da dəhlizdən keçən cari və proqnoz həcmlərinin daşınması üçün kifayət qədər artıq göstəricidir.