Bakı-Tbilisi-Ceyhan (BTC) ixrac boru kəməri çox ehtimal ki, 2006-cı ilin iyunun ikinci yarısında istismara veriləcək. Bu barədə Trend ə Türkiyənin Azərbaycandakı səfiri Turan Moralı məlumat verib.
"İşlərin hazırki mərhələsini analiz edərkən deyə bilərəm ki, Türkiyənin Ceyhan terminalında rəsmi mərasim iyunun ikinci yarısında keçiriləcək",- deyə səfir dəqiq tarixin hələlik dəqiqləşdirilməyəcəyini qeyd edib.
Bundan əvvəl Ceyhandan ilk tankerin yola salınması mərasiminin 2006-cı ilin mayında keçiriləcəyi xəbər verilsə də, Türkiyə prezidenti Əhməd Necdət Sezər Gürcüstana səfəri gedişində BTC kəmərinin iyunda açılacağının planlaşdırıldığını bəyan etmişdi.