Azərbaycan Dövlət Neft Şirkəti qazma işlərini həyata keçirdiyi ən dərin quyunun sutkalıq debitini müəyyən edib. ARDNŞ-dən Trend ə verilən məlumata görə, quyudan sutkada 500 min m3 qaz (ildə 182 mln. m3-dən çox yanacaq) hasil ediləcəyi nəzərdə tutulur.
Hazırda ARDNŞ quyunu mənimsəyir. Dərinliyi 5768 m olan quyu "8 Mart" yatağında qazılıb. Quyunun layihə dərinliyi isə 5850 m təşkil edir.
Yanvar-aprel aylarında Azərbaycanda qaz hasilatı demək olar ki, 592 mln m3 artaraq 2,24 mlrd. m3 təşkil edib. Bu həcmin 1,26 mlrd m3-i ARDNŞ-in, yerdə qalan hissə isə ABƏŞ-in (səmt qazı hasilatı) payına düşüb.
Azərbaycanda 57 neft-qaz yatağı var ki, bunun da 18-si dənizdə yerləşir.
