2006-cı ilin iyununda "Dədə-Qorqud" qazma qurğusunda planlı təmir işləri həyata keçiriləcək. Bu işlər zamanı qurğunun yaşayış blokunun, təmizləmə sisteminin tam dəyişdirilməsi və çirkləndirici maddələrin neytrallaşdırılması, o cümlədən priventor mexanizmləri idarəetmə sistemi üzrə işlərin həyata keçirilməsi nəzərdə tutulur. Bu barədə Trend ə ARDNŞ-dən bildirilib.
Bütün bu işlər 56 gün ərzində başa çatacaq.
"Təmir işləri başa çatdıqdan sonra qazma qurğusu öncəqazma quyusunun qazılmasını davam etdirmək üçün "Günəşli" yatağının dərin hissəsinə gətiriləcək.
Hazırda BP-nin operatoru olduğu "Azəri"-"Çıraq"-"Günəşli" yatağının işlənməsi layihəsi çərçivəsində bu qurğu ilə "Günəşli" yatağının dərin hissəsində öncəqazma quyusu qazılır.
