Yanvar-may aylarında Azneftkimyamaş ASC 7,6 mln AZN dəyərində neft-mədən, geoloji-kəşfiyyat avadanlıqları, alətlər, bunlar üçün ehtiyat hissələri istehsal edib. Proqnoz 100,1% yerinə yetirilib. Bu barədə Trend ə ASC-dən məlumat verilib.
Azneftkimyamaş ASC respublika prezidentinin 22 mart 2001-ci il tarixli sərəncamı ilə Azneftkimyamaş DŞ-nin bazasına yaradılıb. ASC-nin tərkibinə 14 maşınqayırma zavodu, 4 elmi-tədqiqat və layihə-quraşdırma institutu daxildir. Bu dövr ərzində zavod Sabunçu EİB - 1 mln. AZN (110%), Keşlə maşınqayırma zavodu - 560 min AZN (125%), Suraxanı maşınqayırma zavodu -1,45 mln AZN, "Bakı fəhləsi" zavodu - 1,35 mln. AZN, Bakı maşınqayırma zavodu - 665 min AZN, Sərdarov adına zavod - 570 min AZN (100,2%) dəyərində məhsul istehsal edib.
Azneftkimyamaş ASC 2006-cı ildə 105 mlrd manat həcmində məhsul istehsalı proqnozlaşdırır ki, bu da 2005-ci illə müqayisədə 15 mlrd manat çoxdur.