...

İlin sonuna qədər Qazaxıstanla BTC üzrə tranzit razılaşmasının hazırlığı başa çata bilər

Energetika Materials 14 İyun 2006 18:42 (UTC +04:00)

Qazaxıstan neftinin Bakı-Tbilisi-Ceyhan boru kəməri ilə nəqli çərçivəsində müxtəlif məsələləri nizama salacaq tranzit razılaşması hökümətlərarası razılaşma ilə müqayisədə daha mürəkkəbdir. Bu barədə Trend ə Azərbaycan sənaye və energetika naziri Natiq Əliyev xəbər verib.

"Qazaxıstan neftinin Bakı-Tbilisi-Ceyhan boru kəməri ilə nəqli haqqında hökümətlərarası razılaşma üzərində aparılan işlər tamamlandıqdan sonra tərəflər tranzit razılaşmanı hazırlamağa başlayacaqlar", - deyə o bildirib.

Onun sözlərinə görə, bu razılaşma Qazaxıstan neftinin Bakı-Tbilisi-Ceyhan boru kəməri ilə nəql olunma layihəsinin həyata keçməsi üçün çox vacibdir. "Bu sənədin hazırlığı üzrə iş ilin sonuna qədər tamamlana bilər", - deyə N.Əliyev vurğulayıb.

Azərbaycan Sənaye və Energetika nazirliyinin başçısı həmçinin deyib ki, BTC-nin Ceyhan limanının işə salınması üzrə rəsmi mərasimin vaxtı dəyişilməyib. Nazirin sözlərinə görə, mərasim iyulun 13-də olacaq. Tədbir Ceyhan limanında başlayacaq, sonra isə İstanbulda davam etdiriləcək.

Xəbər lenti

Xəbər lenti