Yanvar - iyul aylarında Rusiyanın "Qazeksport" şirkəti ("Qazprom" ASC-nin törəmə strukturu) Azərbaycana 2 mlrd. 670,3 mln. kubmetr qaz tədarük edib. Trend in xəbər verdiyi kimi, bu barədə Azərbaycan Dövlət Neft Şirkətindən xəbər veriblər.
Sutkada orta hesabla 10,7 mln. kubmetr qaz tədarük edilib. Ötən ilin yeddi ayı ərzində şirkət Azərbaycana 2,95 mlrd. kubmetr qaz tədarük edib.
2006-cı ilin iyul ayında şirkət 311,7 mln. kubmetr qaz tədarük edib. Ötən ilin iyul ayında Azərbaycana 350,6 mln. kubmetr qaz tədarük edilib.
Cari ildə ARDNŞ "Qazeksport"dan 1 min kubmetri 110 ABŞ dolları qiymətinə 4,5 mlrd. kubmetr qaz almağı planlaşdırır. Təbii qaz Şirvanovka- Qazıməmməd boru kəməri ilə ölkəyə verilir.
