ARDNŞ-in neft-qaz hasilatı üzrə "Azneft" İB "Qərbi Abşeron" strukturunun cənub hissəsindəki yeni nöqtədə birinci quyunun qazılmasını başa çatdırıb. Bu barədə Trend ə ARDNŞ-dən məlumat verilib. Quyunun layihə dərinliyi 800 metr təşkil edib.
Yeni qazma nöqtəsi əvvəlkindən 800 m aralıda yerləşir.
Qazma işləri "Xəzər-4" qazma qurğusu vasitəsilə həyata keçirilir. Cəmi 5 quyunun qazılması planlaşdırılır və qabaqlayıcı quyu kimi nəzərdə tutulur. Qazma işləri başa çatdıqdan sonra quyular platformadan növbəti hasilat üçün müvəqqəti dayandırılacaq.
ARDNŞ-dən hesab olunur ki, açıq yataq işlənmə üçün səmərəlidir. Bu onunla izah edilir ki, yataq sahil, o cümlədən neftin nəqli üzrə mövcud komunikasiyaların yaxınlığında yerləşir. Hazırda yatağın bu hissəsində ehtiyatların kontura alınması və qiymətləndirilməsi üzrə işlər aparılır. Quyuların dərinliyi 800 -1000 metrdir.
ARDNŞ "Qərbi Abşeron"un cənub hissəsində hasilat platforması qurmaq niyyətindədir. Platforma sahildən 40-50 m kənarda qurulacaq. Mütəxəssislərin qiymətləndirmələrinə görə, yataqda təxminən 1,5 mln ton çıxarıla bilən şərti yanacaq ehtiyatı var.