...

"Müşfiq" yarımstansiyasının yenidən qurulması layihəsi $6 mln-a yaxın məbləğdə dəyərləndirilir

Energetika Materials 4 Oktyabr 2006 19:56 (UTC +04:00)

Trend-i buradan izləyin

Bakının 220 kV gücündə olan "Müşfiq" yarımstansiyasının yenidən qurulması layihəsi $6 mln-a yaxın məbləğdə dəyərləndirilir. Bu barədə Trend ə "Azərenerji" səhmdar cəmiyyətinin vitse-prezidenti Marlen Əsgərov məlumat verib.

Adıçəkilən layihə tender qalibi olmuş Yaponiyanın "Itochu" şirkəti tərəfindən gerçəkləşdiriləcək. "Müşfiq" yarımstansiyasının rekonstruksiyası üçün vəsaitlər Yaponiya hökuməti trəfindən qrant şəklində ayrılır.

M. Əsgərov başda olmaqla "Azərenerji"nin ekspertlər qrupu Tokioda tender komissiyasının iclasında iştirak edib. İclasda "Itochu" və "Mitsubishi"dən olan iddiaçıların təkliflərinə baxılıb və baş podratçı təyin olunub.

M. Əsgərov bildirib ki, Tokioda "Itochu" ekspertləri ilə birgə tikinti-quraşdırma işləri və avadanlıqların tədarükü üzrə ikitərəfli müqavilə layihəsi hazırlanıb. "Bütün bəndlər razılaşdırıldıqdan sonra, adıçəkilən sənəd Bakıda imzalanacaq", - deyə M. Əsgərov bildirib.

"Müşfiq" yarımstansiyasında 200 MVA gücündə olan 2 köhnə transformator hər biri 250 MVA olmaqla yeniləri ilə əvəz olunacaq. Layihə 2008-ci ilədək başa çatmalıdır.

Xəbər lenti

Xəbər lenti