Dekabr ayında Azərbaycan Novorossiysk limanından 330 min ton "Ural" markalı neft yola salmaq niyyətindədir. Azərbaycan Dövlət Neft Şirkətindən Trend ə verilən məlumata görə, yola salınacaq neftin 80 min tonu Azərbaycan Beynəlxalq Əməliyyat Şirkətinin (ABƏŞ), 250 min tonu isə ARDNŞ-in payına düşür.
ARDNŞ təmsilçisinin sözlərinə görə, dekabr ayında ABƏŞ boru kəməri ilə öz neftinin həcmini 150 min ton artıra bilər.
Azərbaycan Dövlət Neft Şirkəti noyabr ayında həmin limandan 1,204 mln. barrel neft satacaq. Noyabr ayında ARDNŞ iki partiya - birincini, ya 584 min barrel (80 min tonn), ya da 620 min barrel (85 min ton) noyabrın 7-8-də, ikicini isə noyabrın 18-19-da yola salacaq. Hər iki partiyanın alıcısı Britaniyanın "Glencore" treyderidir.
ABƏŞ "Azəri-Çiraq-Günəşli" yataqlarından "Azeri Light" markalı neft hasil edir və xammalı Bakı-Tbilisi-Ceyhan, Bakı-Supsa, Bakı-Novorossiysk kəmərləri və Gürcüstanın Batumi limanına qədər dəmir yolu vasitəsi ilə ixrac edir.
ABƏŞ-in səhmdarı olaraq ARDNŞ "Azəri-Çiraq-Günəşli" yataqlarından neft hasil edərək ixrac edir və öz vəsaitləri hesabına digər onşor və offşor sahələrdə xammal istehsal edir. 2005--ci ildə ARDNŞ Novorossiysk limanından 1,631 mln. ton neft yola salıb. 2004-cü ildə bu rəqəm 2,559 mln. ton olub.
