Hazırda BP şirkətinin işlədiyi Azərbaycan kapitallı şirkətlərin sayı 485-ə bərabərdir. Onlardan 60-ı dövlət, 32-si birgə müəssisə, 393-ü kiçik və orta biznes müəssisələridir (birbaşa). Bu barədə Trend BP şirkətinin məlumatına istinadən xəbər verir.
Azərbaycan kapitallı şirkətlər, BP şirkəti tərəfindən bu ilin yanvar-iyun ayları ərzində ölkədə dövlət şirkətləri - 51 mln. ABŞ dolları, birgə müəssisələr - 382 mln. ABŞ dolları, kiçik və orta biznes müəssisələri - 55 mln. ABŞ dolları vəsait sərf edib. 2006-cı ildə vəsaitlərin sərf olunması üzrə proqnoz dövlət müəssisələri üzrə - 59 mln. ABŞ dolları, birgə müəssisələr üzrə - 500 mln. ABŞ dolları, kiçik və orta biznes müəssisələri üzrə - 77 mln. ABŞ dollarına bərabərdir.
Azərbaycandakı xarici şirkətlərlə vəsait sərfi 641 mln. ABŞ dollarına bərabərdir. Proqnoza əsasən, ölkədə cəmi 1,5 mlrd. ABŞ dolları xərcləmək nəzərdə tutulub.
Bu ilin yanvar-iyun ayları ərzində BP şirkəti tərəfindən Azərbaycanın sosial sahəsinə sərmayələr aşağıdakı kimi olub: "AÇG" layihəsi üzrə birinci rübdə əhaliyə sərmayə - 557 min ABŞ dolları (il üzrə proqnoz 1,674 mln. ABŞ dolları), BTC və CXB marşrutu boyu yaşayan əhaliyə sərmayələr - 5,013 mln. ABŞ dolları (il üzrə proqnoz 8,858 mln.), "Şahdəniz" yatağının işlənməsi və hasilat layihəsi üzrə əhaliyə sərmayələr - 850 min ABŞ dolları (il üzrə proqnoz 1,460 mln. ABŞ dolları).
Hazırda BP-də işləyən Azərbaycan vətəndaşlarının sayı bu ilin birinci yarımilliyində 1830 nəfər təşkil edib. Podratçılar vasitəsilə tikinti ilə məşğul olan ölkə vətəndaşlarının sayı 10 min nəfərə bərabərdir.