2006-cı ilin yanvar-sentyabr aylarında Batumi neft terminalı ümumilikdə 9,2 mln. ton neftdaşıyan yük yola salıb. 2005-ci ilin analoji dövründə bu rəqəm 6,8 mln. ton təşkil edib. Bu barədə Trend ə limana yaxın mənbələrdən məlumat verilib.
2006-cı ilin sentyabr ayında yükboşaltma 733,7 min ton təşkil edib. Cari ilin avqust ayında bu rəqəm 932 min ton olub.
Batumi neft terminalı ildə 15 mln tona qədər neftdaşıyan yük ötürmək qabiliyyətinə malikdir. Terminal dörd körpüdə 30-90 min ton ağırlığı olan tankerlərə xidmət göstərir. Hal-hazırda terminalın rezervuar parkının gücü təxminən 530 min ton təşkil edir ki, bu da dəhlizdən keçən cari və proqnozlaşdırılan həcmlərin ötürülməsi üçün kifayət edir.
