...

Yanvar-oktyabr aylarında Azərbaycanın daxili bazarında neft məhsullarına tələbat 3 mln. tonu ötüb

Energetika Materials 18 Noyabr 2006 14:28 (UTC +04:00)

2006-cı ilin yanvar -oktyabr ayları ərzində Azərbaycanın daxili bazarına təxminən 3,4 mln. ton neft məhsulu göndərilib. Trend xəbər verir ki, bu barədə ölkənin Dövlət Statistika Komitəsindən məlumat verilib.

Neft məhsullarının ümumi həcmindən 577,7 min ton avtomobil benzinin payına düşüb, bu isə 2005-ci ilin analoji dövründən 17% çoxdur. Azərbaycanın daxili bazarında A-92 markalı 1 ton avtomobil benzininin topdan satış qiyməti (təchizat xərcləri və ƏDV nəzərə almaqla) 432,30 AZN, A-96 markasının topdan satış qiyməti isə - 484,70 AZN təşkil edib.

Dövlət Statistika Komitəsinin məlumatına görə, 2006-cı ilin yanvar-oktyabr ayları ərzində Azpetrol şirkəti satış üçün 317,7 min ton, LUKoyl şirkəti isə - 117,3 min ton avtomobil benzini alıb.

Yanvar-oktyabr aylarında daxili bazarda 599 min ton dizel yanacağı satılıb və bu, 2005-ci ilin yanvar-oktyabr aylarından 12,7% azdır. Azərbaycanın daxili bazarında 1 ton dizel yanacağının topdan satış qiyməti (təchizat xərcləri və ƏDV nəzərə almaqla) 397,46 AZN təşkil edib. Dövlət Statistika Komitəsinin məlumatına görə, 2006-cı ilin yanvar-oktyabr ayları ərzində Azpetrol şirkəti 234,8 min ton, LUKoil şirkəti- 78,5 min ton, Xəzər dəniz gəmiçiliyi isə -19,7 min ton dizel yanacağı alıb. Xəzər dəniz gəmiçiliyi həmçinin 65,23 min ton motor yanacağı və 1,55 min ton motor yağı alıb.

Daxili bazarda ən çox yanacaq mazutu satılıb. Bu ilin yanvar-oktyabr aylarında 1580,3 min ton mazut satılıb və bu, 2005-ci ilin yanvar-oktyabr aylarından 24,8% azdır. Azərbaycanın daxili bazarında 1 ton M-40 mazutunun topdan satış qiyməti (təchizat xərcləri və ƏDV nəzərə almaqla) 77,88 AZN təşkil edib. Dövlət Statistika Komitəsinin məlumatına görə, yanvar-oktyabr ayları ərzində Azərenerji SC 1025,6 min ton, Heydər Əliyev adına NEZ isə -461,44 min ton yanacaq mazutu alıb.

Yanvar-oktyabr aylarında 428,6 min ton təyyarə yanacağı satılıb və bu, 2005-ci ilin analoji dövründən 9,5% azdır. Azərbaycanın daxili bazarında 1 ton təyyarə yanacağının topdan satış qiyməti (təchizat xərcləri və ƏDV nəzərə almaqla) 411,68 AZN təşkil edib. Dövlət Statistika Komitəsinin məlumatına görə, yanvar-oktyabr ayları ərzində AZAL DK - 398,59 min ton, qalan müəssisələr isə -30 min ton təyyarə yanacağı alıb.

Bu dövr ərzində daxili bazarda 117,1 min ton neft bitumu satılıb, bu isə 2005-ci ilin yanvar-oktyabr aylarından 43,5% çoxdur. Azərbaycanın daxili bazarında 1 ton BN 60/90 bitumunun topdan satış qiyməti (təchizat xərcləri və ƏDV nəzərə almaqla) 108,90 AZN təşkil edib. Bu həcmdən 46,84 min ton Azərbaycan Nəqliyyat Nazirliyinin "Yolnəqliyyatservis" Departamentinə (yol tikintisi) satılıb.

Xəbər lenti

Xəbər lenti