Azeri Drilling Company Ltd müştərək müəssisəsi birinci quyunun qazma işlərini dayandırıb. ARDNŞ-dən Trend ə verilən məlumata görə, Azeri Drilling Company "8 mart" yatağında özünün birinci quyusunun qazma işlərini lazımi avadanlıq və boru aldıqdan sonra davam etdirəcək.
Qazma işləri 759 saylı dərin özüldən həyata keçirilir. Quyunun layihə dərinliyi 6000 metr təşkil edir. Bu yataqda cəmi 10 quyu qazılacaq.
2007-ci ilin ortalarında 3 quyunun qazma işlərinin başa çatması gözlənilir. Bu quyuların hər birindən sutkada 300-400 min kub metr qaz hasil ediləcək.
Bu MM-in təsisçiləri ARDNŞ (35 %), Panama Respublikasında qeydiyyata alınmış "Target Petroleum Azerbaijan Corporation" (35 %) və Şotlandiyanın "First Drilling Limited" (30%) şirkətidir.