"Azərenerji" Səhmdar Cəmiyyəti İslam İnkişaf Bankı ilə Mingəçevir SES-ın yenidənqurulmasını maliyyələşdirmək məsələsinə dair danışıqlar aparır. Trend -in məlumatına görə, bunu "Azərenerji"-nin prezidenti Etibar Pirverdiyev bildirib.
Onun sözlərinə görə, bu işləri həyata keçirmək üçün 95 milyon dollar lazımdır. Bu layihə üzrə artıq bankla protokollar imzalanıb. Kredit vəsaiti hesabına yarımstansiyanın yenidən qurulması, elektrik stansiyalarının idarəsi mərkəzinin və onun hazırda dayandırılan enerji bloklarından birinin köçürülməsinə dair işlər aparılması ehtimal olunur.
