...

AİB alternativ elektrik enerjisi mənbələrinin inkişaf etdirilməsi barədə Azərbaycan hökumətinin istəyini təsdiq edib

Energetika Materials 5 Dekabr 2006 11:05

Trend-i buradan izləyin

Asiya İnkişaf Bankının (AİB) bankın energetika sahəsi üzrə mütəxəssisi Tianhua Luo-nun başçılığı altında missiyasının Bakıya səfəri başa çatıb. AİB-nin Bakı nümayəndəliyindən Trend ə verilən məlumatda bildirilir ki, Azərbaycanda alternativ elektrik enerjisi mənbələrinin yaradılması ilə bağlı hökumətin mövqeyinin növbəti dəfə rəsmi şəkildə təsdiq edilməsi çox vacib olub. Bu onunla bağlı olub ki, bu marağını Azərbaycan hökuməti bir il öncə bildirib.

Bu dəfə də hökumət bu planlarına müsbət yanaşıb və bu istiqamətdə işləri davam etdirmək niyyəti olduğunu bir daha təsdiqləyib. Bankın ekspertləri Maliyyə, İqtisadli İnkişaf, Sənaye və Energetika nazirliklərində görüşlər keçirib, Ekologiya və Təbii Sərvətlər naziri Hüseyn Bağırovla, "Azərenerji"nin prezidenti Etibar Piriverdiyevlə görüşüblər.

Nümayəndə heyətinin tərkibində həmçinin Entec İsveçrə_Hindistan Konsorsiumunun nümayəndəsi, Azərbaycanda alternativ elektrik enerjisi mənbələrinin yaradılması üçün texniki yardım layihəsi üzrə AİB-nin məsləhətçisi olub.

Hökumətlə layihənin realizəsi üçün yerli mütəxəssisin cəlb edilməsi, həmçinin bərpa olunan elektrik enerjisi mənbələrinin inkişaf etdirilməsi üçün AİB-nin təqdim edəcəyi maliyyələşmənin mümkün həcmləri barədə müzakirələr aparılıb. Kreditin təsdiqi 2007-ci ilin əvvəlinə planlaşdırılıb. İlkin olaraq 40 mln. dollar məbləğ səsləndirilib, kreditin bir hissəsi (25 mln. dollar) güzəştli şərtlərlə, 15 mln. dollar isə adi şərtlərlə təqdim edilməlidir. Lakin nümayəndəlikdə kreditin həcminin artırılması və ya azadılması variantı da istisna edilmir.

Bərpa olunan elektrik enerjisi mənbələrinin inkişaf etdirilməsi üçün ehtiyatın və müxtəlif yolların müəyyən edilməsi məqsədilə aparılacaq tədqiqatlara 900 min dollar ayrılıb. Bu məbləğin 200 min dolları qrant şəklində Finlandiya hökuməti tərəfindən, 500 min dollar AİB və 200 min dollar isə Azərbaycan hökuməti tərəfəindən təqdim olunacaq. Qrant barədə razılaşma 2006-cı il mayın 26-da imzalanıb.
Texniki dəstək 10 ay üçün nəzərdə tutulub.

Layihənin əsas məqsədi yel dəyirmanlarından, minihidravlik və günəş enerjisi stansiyalarından istifadə etməklə ölkənin regionlarının alternativ enerji mənbələri ilə təmin edilməsindən ibarətdir. Bu, regionlarda kənd təsərrüfatına dəstək üçün çox vacibdir.

Xəbər lenti

Xəbər lenti