Anshad Petrol Birgə Müəssisəsi (BM) və "Gobu¬stan Operating Com¬pa¬ny" əməliyyat şirkəti 2006-cı ildə Azərbaycan Dövlət Neft Şirkətinə 24,64 mln. kub metr sərbəst qaz satıb ki , bu da 2005-ci ildən 0,48 mln. kub metr çoxdur. Bu barədə Trend ə Azərbaycan Dövlət Neft Şirkətindən xəbər veriblər. ARDNŞ-in məlumatına görə, dekabrda şirkətlər tərəfindən 3 mln m3 qaz satılıb.
Anshad Petrol "Neftçala", "Xilli" və "Babazanan" müqavilə meydanındakı quyulardan qaz hasil edir. BM-in ilk sərbəst qaz satışı 2004-cü ilin aprelində başlayıb və 2 mln. kub metr olub. ARDNŞ Anshad Petroldan 65 min. AZM-a (tam 13$/1 min m3) qaz alır və "Azəriqaz" QSC-inə ötürür ki, o da öz növbəsində yanacağı "Azəriqaz"ın tərkibinə daxil olan "Aztransqaz" İB vasitəsilə bölüşdürür. GOC qazı ARDNŞ-ə 1,29$/1 mln. BTU (1,29$/y mln. BTU -tam 46$/1 min m3) qiymətilə satır.
Gobustan Operating Company (GOC) ARDNŞ-lə müqavilə bağlamış PSA üzrə "Cənub-qərbi Qobustan" blokunun işlənməsi ilə məşğul olur. Bu şirkət sərbəsti qazın satışına bu ilin fevralında başlayıb. GOC-da 80% iştirak Commonwealth Gobustan Limited-ə məxsusdur, 20% i isə ARDNŞ-ə təhkim olunub. Commonwealth Gobustan Limited 37,17% -i Arawak Energy-yə məxsusdüur, 62,83% -i isə China National Petroleum Company şirkətlər qrupuna aiddir.
Anshad Petrol BM 1993-cü ildə ARDNŞ və keçmiş "Neftçalaneft" NQÇİ əsasında Türkiyənin Atilla Dogan Petrol şirkəti arasında yaradılıb. 1994-1996-cı illərdə Anshad Petrol BM-in operatoru Atilla Dogan Petrol olub, amma 1997-ci ildən ARDNŞ bu funksiyanı öz üzərinə götürüb. 1995-ci ildə Malayziya Land and General Berhad şirkəti Atilla Dogan Petrolun payından 17,15% almaqla layihənin iştirakçısı olub.