"Qərbi Abşeron" strukturunun cənub hissəsində iki əlavə kəşfiyyat quyusu qazılacaq. "Hava şəraiti imkan verdikdən sonra, kəşfiyyat quyularının qazıntısı üçün işə salınmış "Abşeron" qazma qurğusu yeni nöqtəyə aparılacaq", - deyə Azərbaycan Dövlət Neft Şirkətindən Trend ə məlumat verilib.
Yeni nöqtə əvvəlkindən 1,5 km məsafədə yerləşəcək.
Əvvəl ARDNŞ bu platformadan layihə dərinliyi 800 metrdən çox təşkil edən növbəti kəşfiyyat quyusunun qazıntısını başa çatdırıb.
Həmçinin "Xəzər-4" qurğusundan istismar quyusunun qazıntısı başa çatıb. Bu quyular qabaqlayıcı kimi nəzərdə tutulur. Onların qazıntısı başa çatdıqdan sonra quyular platformadan sonrakı hasilat üçün konservləşdiriləcəklər.
Dövlət neft şirkəti yatağın bu hissəsinin inkişaf proqramını həyata keçirmək niyyətindədir. Birinci platforma üç qazılmış qaz quyularının qoşulması üçün quraşdırılacaq. Onlar qazılıb və konservləşdirilib. Bu quyuların təqribi debiti sutkada 250 min kubmetr qaz təşkil edəcək. Bu, yeni hasilat metodlarına - qaz-lift metoduna keçməyə, eləcə də qazı məişət ehtiyacları üçün təhvil verməyə imkan verəcək. Bu, birinci vəzifədir.
Sonradan "Xəzər-4" üzən qazma qurğusundan qazılmış quyuların istismarı üçün platformanın tikintisi nəzərdə tutulub. Hazırda artıq qərara alınıb ki, bu platformadan, yeni qazma nöqtəsində, əvvəl planlaşdırıldığı kimi 6 yox, 12 quyu qazılacaq. Bu onunla izah olunur ki, kəşfiyyat qazıntısı laylarda böyük neft ehtiyatlarının və gücün olduğunu göstərib. Orta sutkalıq debit sutkada təxminən 10 ton təşkil edir.
Əvvəl "Xəzər-4" qurğusundan artıq yataqda nöqtələrdən birində altı quyu qazılıb. Bu yerdə həmçinin platformanın qurulması nəzərdə tutulub. ARDNŞ-də qeyd ediblər ki, proqram qəbul olunan zaman platformanın quraşdırılmasının ardıcıllığı haqqında qərar qəbul olunacaq. Lakin artıq bu gün məlumdur ki, birinci - qaz quyuları üçün platforma olacaq. Artıq bu platformanın tikintisinə başlanılıb. Onun gələn ilin birinci rübündə quraşdırılması nəzərdə tutulub. Platforma suyun 12-15 metr dərinliyində quraşdırılacaq. Gələn il üçün daha bir platforma nəzərdə tutulub.
Bu yataqda ehtiyatların qiymətləndirilməsi göstərdi ki, orada 10 mln. tondan çox ehtiyatın olması mümkündür. Bu ehtiyatların yenidən qiymətləndirilməsi kəşfiyyat qazıntısından sonra aparılıb. Əvvəl 5 mln. tonun olduğu nəzərdə tutulurdu.