...

Xarici şirkət Azərbaycanın qurudakı yataqlarında iki iri qaz quyusu istifadəyə verəcək

Energetika Materials 30 Mart 2007 16:05 (UTC +04:00)

Azərbaycan, Bakı/ Trend müxbir S.Əliyev / 2007-ci ilin birinci yarısında "Cənub-Qərbi Qobustan" müqavilə ərazisində iki iri qaz quyusunun istismara veriləcəyi gözlənilir. Bu barədə Arawak Energy şirkətinin yaydığı məlumatda göstərilib.

Bunlar "Duvannı - 102) və (Duvannı - 108) quyularıdır. Onların ümumi debiti sutkada 285,7 min kubmetr (illik 104 mln. kubmetrdən çox) təşkil edəcək.

2006-cı ildə şirkətin Azərbaycan, Rusiya və Qazaxıstandakı layihələrə qoyduğu vəsait 2005-ci ildəki 31,4 mln. dollara qarşı 51,7 mln dollar təşkil edib. Artım hər üç ölkədə qazma işlərinin artımı ilə əlaqədar baş verib.

"Cənub-Qərbi Qobustan"la bağlı müqavilə 13 məşhur strukturdan ibarətdir. Rezervuarlar isə 250-4500 metr dərinlikdə yerləşir.

"Cənub-Qərbi Qobustan"da seysmokəşfiyyatla bağlı tenderin qalibi isə ARDNŞ-in Geologiya və Fizika İdarəsi olub.

Dövlət Neft Şirkətinin subpodratçısı qismində Rusiyanın "Tümenneftgeofizika" tresti çıxış edəcək.

"Daşgil", "Duvannı" və "Kənizdağ" yataqlarında ("Cənub-Qərbi Qobustan" tərkibinə daxildirlər) 2000 kvadrat kilometr ərazidə üçlü seysmokəşfiyyat işləri, "Mərkəzi" və "Şimal" bliklarında isə 480 km2 ərazidə ikili seysmoişlər aparılacaq.

"Cənub-Qərbi Qobustan"-da işlərin görülməsilə Gobustan Operating Company (GOC) məşğul olacaq. GOC-da iştirak payı 80% Commonwealth Gobustan Limited, 20% isə ARDNŞ-ə məxsusdur. Commonwealth Gobustan Limited də isə Arawak Energy 37,17%, China National Petroleum Company qrupu isə 62,83% iştirak payına malikdir.

Xəbər lenti

Xəbər lenti