Azərbaycan, Bakı/ Trend müxbir S.Əliyev/ Hazırda "Şahdəniz" yatağının sutkalıq debiti 43 min barel neft ekvivalentindədir. Bu barədə cümə axşamı BP Azerbaijan ("Şahdəniz" layihəsinin texniki operatoru) şirkətindən məlumat verilib.
Yataqda fəaliyyət göstərən yeganə quyunun hasilat həcmi sutka ərzində 5,1 mln. kubmetr qaz və 12 min barel kondensata bərabərdir.
Yanvar-mart aylarında "Şahdəniz" qaz-kondensat yatağından 172,25 mln. kubmetr qaz (proqnozdan 23 faiz artıq) hasil olunub. Mart ayında yataqdan 115,34 mln. kubmetr qaz çıxarılıb.
Yanvar-mart aylarında yataqdan 53, 698 min. ton kondensat hasil olunub. Yalnız mart ayında kondensatın hasilat miqdarı 39,82 min ton təşkil edib.
Bütün kondensat Bakı-Tiflis-Ceyhan ixrac kəməri ilə göndərilib. "Şahdəniz" layihəsindən "Mərhələ- 1" çərçivəsində 8,6 mlrd. kubmetr qaz hasil olunacaq. 2007-ci il ərzində isə yataqdan 2,8 mlrd. kubmetr qaz çıxarılacaq.
