Azərbaycan,Bakı/müxbir Trend /2007-ci ilin birinci rübündə Azərbaycan Dövlət Neft Şirkətinin "H.Z.Tağıyev" adına neft-qaz çıxarma idarəsi (NQÇİ) tərəfindən 17 min 346 ton neft (planlaşdırılmış həcmdən 3,3 faiz çox) hasil olunub. 2006-cı ilin analoji dövrünün göstəricisi 19 min 893 ton təşkil edib. Bu barədə NQÇİ-nin rəhbəri Fərhad Əsgərov məlumat verib.
Yanvar-martda NQÇİ 210 min kub metr qaz (planlaşdırılmış həcmdən 3,3 faiz çox) hasil edib. 2006-cı ilin analoji dövrünün göstəricisi 220 min kub metr qaz təşkil edib.
Yataqlarda neft hasilatının həcminin saxlanması üçün birinci rübdə 188 texniki, 40 geoloji tədbir, quyuların yeraltı işləri üzrə 454 və əsaslı təmir üçün 48 iş aparılıb.
NQÇİ-nin istismar quyu fondu 1 aprel göstəricisinə əsasən, 355 quyuya bərabərdir (həmçinin üç qaz quyusu). Ümumi fonddan 172-si fəaliyyətdə (ikisi fontan üsulu ilə), 182-si fəaliyyətsiz (biri qaz quyusu) və biri mənimsənilməkdədir.