Azərbaycan, Bakı/ Trend müxbir S.Əliyev/ "Azərenerji" SC Sanqaçalda tikiləcək gələcək modul elektrik stansiyasının ərazisində yaşayan qaçqın və məcburi köçkünlərin köşürülməsini başa çatdırıb. Yaxın zamanlarda bu ərazidə tikinti işləri başlayacaq. Bu barədə bazar ertsəsi "Azərenerji" SC-nin vitse-prezidenti Marlen Əsgərov bildirib.
SC Sanqaçalda 300 MVt gücündə olan modul elektrik stansiyası timək niyyətindədir.
Bu ilin sonuna qədər 3 modul stansiyasının istismara verilməsi planlaşdırılıb. Digər stansiyalar isə 2008-ci ildə təhvil veriləcək.
Bu layihə üzrə tikinti işləri Finlandiyanın "Wartsila" şirkəti ilə birgə aparılacaq.
Tikinti işlərində həmçinin İsveçrənin "ABB" şirkəti də iştirak edəcək. İşlərin 2008-ci ilin sentyabr ayına başa çatdırılması nəzərdə tutulub.
"Wartsila" Sanqaçal modul stansiyasında qazdan mazuta və əksinə keçid texnologiyasını quraşdırmağı təklif edir ki, bu da prosesi nəzərə çarpacaq dərəcədə sürətləndirir.
Abşeron yarımadasının keyfiyyətli və fasiləsiz elektrik enerjisi ilə təmin olunması üçün Sanqaçalda yeni güclü enerji generasiyalarının tikilməsi vacibdir.
