Azərbaycan, Bakı/ Trend müxbir S.Əliyev/ 2015-ci ilə İtaliyanın Edison şirkətinin qaz idxalının həcmi 25 mlrd. kubmetr həcmində qiymətləndirilir. Bunu cümə axşamı Bakıda Edison şirkətinin layihə rəhbəri Elio Ruqerri bildirib. Hazırda idxalın həcmi 13 mlrd. kubmetr həcmindədir.
Yunanıstan və İtaliya arasında dənizin dibi ilə 800 km uzunluğunda 32 düymlük kəmər çəkildikdən sonra "mavi yanacağ"ın idxalı artırılacaq. Onun 200 km. hissəsi sualtı olacaq. Kəmərlə 8-10 mlrd. kubmetr qaz nəql olunacaq.
Kəmərin tikintisini 2008-ci ildə başlamaq və 2012-ci ildə başa çatdırmaq planlaşdırılır.
Güman edilir ki, bu kəmərlə Türkiyədən Yunanıstana qaz tədarük olunacaq. Bu qazın həcminə Azərbaycanın "Şahdəniz" yatağından hasil olunan qaz da daxil olacaq.