Azərbaycan, Bakı /müx. Trend / Heydər Əliyev adına dərin özüllər zavodunda "Neft daşları" və "Abşeron bankası" yataqlarında quraşdırılacaq platformalar üçün dayaq blokların və digər infrastrukturların inşası yekunlaşıb. Bu barədə sözügedən müəssisənin balansında olduğu ARDNŞ-dan məlumat veriblər. İnşa edilən avadanlıq və metal konstruksiyaları quraşdırılmaq üçün dənizə göndərilib.
Hazırda müəssisədə "Neft daşları" üçün iki platformanın, habelə "Darvin bankası" və "Abşeron" yataqları üçün hərəyə bir platformanın inşası gedir.