Azərbaycan, Bakı/ Trend , müxbir S.Babayeva/ Dekabr ayında ISO (International Organization for Standardization- ISO) mütəxəssislərinin Bakıya səfəri gözlənilir. Bu barədə məlumatı bazar ertəsi Azərbaycanın Standartlaşdırma, Metrologiya və Patent üzrə Dövlət Agentliyindən məlumat verilib.
Dövlət Agentliyindən bildirilib ki, missiyanın səfərinin məqsədi Dövlət Agentliyi əməkdaşlarının informasiya texnologiyalarından peşəkar istifadə vərdişləri ilə tanış olmaq, elektron standartlaşdırma sistemi üzrə onların biliklərinin artırılmasına yardım etmək, daxili baza məlumatlarının idarə olunması üzrə əməkdaşlara treninq keçirilməsidir.
Mart ayında Bakıya səfəri zamanı ISO Baş katibi Alen Brayden söyləmişdi ki, təşkilat yüksək ixtisaslı kadrların hazırlanmasında Azərbaycana yardım edə bilər.
Azərbaycan 2003-cü ildən ISO-nun tamhüquqlu üzvüdür.