Azərbaycan, Bakı, / Trend / Bazar ertəsi Frankfurtda Almaniya-Azərbaycan biznes-forumu çərçivəsində, Azərbaycanda nanotexnologiyaların tətbiqi sahəsində ilk lisenziyalaşdırılmış müqavilə imzalanıb. Müqaviləni Azərbaycanın "Caspian Investment Centre" və Almaniyanın "Percenta AG" şirkətləri imzalayıblar.
Müqaviləni "Caspian Investment Centre"dən Elşən Musayev və "Percenta AG"dən Yorq-Ove Şneppat (Jorg-Owe Schneppat) imzalayıblar.
"Caspian Investment Centre" şirkətindən verilən məlumata görə, müqavilə 300 min avro məbləğində qiymətləndirilir.
Nanoməhsullar əşyaların kimyəvi nanotexnologiyalar bazasında yaradılmış unikal və çoxfunksiyalı örtük vasitəsilə uzunmüddətli müdafiəsi üçün nəzərdə tutulub. Nanotexnologiyaların Azərbaycanda birinci mərhələdə neft, tikinti və nəqliyyat sahəsində tətbiqi planlaşdırılır.
