Azərbaycan, Bakı, 14 mart / Trend , müxbir S.Babayeva/ Azərbaycanın kompüter zavodu "KÜR" 2008-ci ildə üç min kompüter istehsal edəcək. 2007-ci ildə bu rəqəm 12 min olub. Bu barədə cümə günü müəssisənin rəhbəri Rizvan Osmanov məlumat verib. Müəssisənin istehsal gücü gündə 140 kompüter buraxmağa imkan verir.
2008-ci ildə 12 min ədəd stasionar telefon aparatı, 70 məlumat köşk və beş foto-köşk istehsal etmək planlaşdırılır. 2007-ci ildə KUR 12 min telefon aparatı və 40 məlumat köşkü istehsal edib.
KÜR zavodu birgə müəssisə kimi fəaliyyət göstərir. Müəssisədə 51 faiz iştirak Rabitə və İnformasiaya Texnologiyaları Nazirliyinin simasında dövlətə, 36 faiz - yerli SİNAM və 13 faiz - özəl şəxslərə məxsusdur.
