Azərbaycan, Bakı, 17 may / Trend , müxbir S.Babayeva/ Azərbaycanın rabitə və informasiya texnologiyaları nazirinin müavini Elmir Vəlizadə şənbə günü bildirib ki, ölkədə 2008-ci ildə şəhərdaxili telefon danışıqlarına limit qoyulmayacaq.
"Bütün dünyada telefon danışıqlarına limit tətbiq olunur. Lakin Azərbaycan üçün sözügedən məsələ bu il aktual deyil" - nazir müavini əlavə edib.
Ötən il Rabitə və İnformasiya Texnologiyaları Nazirliyi ölkədəki şəhərdaxili telefon danışıqlarına limit tətbiq olunması barəsində təklif irəli sürüb. Lakin Tarif Şurası limit tətbiq olunmasını vaxtsız hesab etdiyi üçün məsələ dondurulmuşdu.
Bunun əvəzinə, 2007-ci il iyunun 1-dən Azərbaycanda telefon danışıqlarına yeni tariflər qəbul olunub. Bu qərara müvafiq olaraq, ölkə ərazisində telefon danışıqlarının aylıq ödəniş haqqı 0,7 manatdan 2 manatadək artıb. Rabitə və İnformasiya Texnologiyaları Nazirliyi hər bir telefonun saxlanılması üçün maya dəyərini üç manat dəyərləndirir.
Müəlliflə əlaqə saxlamaq üçün elektron ünvan: [email protected]