Azərbaycan, Bakı, 10 iyun / Trend , müxbir S.Babayeva/ Cari ilin yanvar-may ayları ərzində Azərbaycanın Rabitə və İnformasiya Texnologiyaları Nazirliyi (RİTN) tərəfindən 11 min ailə telefonla təchiz olunub. Bu barədə çərşənbə axşamı nazirlikdən məlumat verilib.
Bu dövr ərzində istifadəyə verilən telefon nömrələrinin ümumi sayı 11246 ədəd təşkil edib. Onlardan 9374 nömrə "Aztelekom" İB, digər 1874 nömrə isə "Baktelekom" İB-nin payına düşüb.
Hökumətin proqnozlarına görə, Azərbaycanda 2011-ci ilə qədər hər 100 nəfərə telefon aparatlarının sayı 19,8 ədədə qədər artacaq, hazırda bu göstərici 15 ədəd təşkil edir.
