Azərbaycan, Bakı 19 iyun / Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin (RİTN) nümayəndə heyəti nazir müavini İltimas Məmmədovun rəhbərliyi altında Türkiyədə səfərdədir. Bu barədə nazirliyin mətbuat xidmətindən məlumat verilib.
Səfərdə əsas məqsəd Azərbaycanın milli peyki üçün orbitral mövqe məsələsinin müzakirəsi və bu sahədə Türkiyənin təcrübəsi ilə tanış olmaqdan ibarətdir.
Azərbaycan RİTN-ı milli rabitə peykinin hazırlanması məsəlsinə dair öz təklifini hökumətə təqdim edib. Təklifdə peyk barədə texniki göstəricilər əks olunub və onun Azərbaycan üçün zəruri oldğu əsaslandırılıb.
Nazirlikdə hesab edirlər ki, milli peykin mövcudluğu keyfiyyətli və etibarlı rabitə, teleyayım təşkil etməyə və kanalların sayını artırmağa imkan verəcək.
Əgər milli peyk Avropa ərazisini əhatə edərsə, Azərbaycan Avropa və Asiya telekanallarının yayımında tranzit ölkə kimi çıxış edə bilər.