Azərbaycan, Bakı, 25 iyun/ Trend , müxbir S.Babayeva/ Azərbaycanın biznes-dairələr, dövlət və qeyri-hökumət strukturlarından ibarət nümayəndə heyəti dünyanın iri sərgilərindən biri "CeBIT Bilisim Eurasia-2008"də iştirak edəcək. Bu barədə çərşənbə günü Hakan Çələbi - sərginin təşkilatçı direktoru, "Hifas Hannover Fairs-Interpro İnternational Fairs İnc."in Baş direktor müavini məlumat verib.
Hələ ki nümayəndə heyətinin tərkibi müəyyən edilməyib.
"Bu gün Azərbaycan sərginin iştirakçısı kimi görmək istədiyimiz birinci ölkədir. Bizim məqsədimiz bütün türkdilli ölkələri sərgiyə cəlb etməkdir", - o bildirib.
Azərbaycanın nümayəndə heyətinin iştirakı məsələsi Çələbinin Azərbaycanın rabitə və informasiya texnologiyaları nazirinin müavini Elmir Vəlizadə ilə çərşənbə günü nazirlikdə keçirilən danışıqlarında müzakirə predmeti olub.
Çələbinin rəyinə görə, "CeBIT Bilishim Eurasia"da iştirak sahənin sonuncu nəaliyyətləri ilə tanışlıq və biznes-münasibətlərin qurulmasında Azərbaycanın İT şirkətləri üçün faydalı ola bilər.
"Biz ümid edirik ki, növbət il Azərbaycan sərgidə özünün milli stendi ilə çıxış edəcək", - şirkət nümayəndəsi bildirib.
Bu il sayına görə 11-ci sərgi oktaybrın 7-12-də İstanbulda keçiriləcək. Sərgi dörd əsas bölməyə ayrılacaq: Business World ("Bzines dünyası"), Digital Life ("Rəqəmsal həyat") və Telecommunications ("Telekommunikasiya") və yeni Home Electronics ("Ev "elektronikası"). Bundan əlavə, sərgidə icitmai sektor, iş və karyera, innovasiyalar, proqram təminatı, mobil biznes-həllər və e-səhiyyəyə dair tematik hissələr olacaq.
Çələbi bildirib ki, hazırda "CeBIT Bilisim Eurasia" informasiya və kommunikasiya texnologiyaları nailiyyətlərinin böyüklüyünə görə dünyada altıncı sərgidir. Başqa sözlə, bu, Türkiyə, Cənub-Qərbi Asiya və Qara dəniz regionu ölkələrinin ən vacib kompüter sərgisidir.
2007-ci ildə "CeBIT Bilisim Eurasia"da 908 eksponat və təqribən 150 min ziyarətçi iştirak edib.
Bu il sərgidə 150 ziyarətçinin iştirak edəcəyi və dünyanın 70 ölkəsindən 1 min eksponatın nümayiş olunacağı gözlənilir.
