Azərbaycan, Bakı, 23 iyul/ Trend , müxbir S.Babayeva/ Birinci yarımil ərzində Azərbaycanın Rabitə və İnformasiya Texnologiyaları nazirliyi ölkədə poçt fəaliyyətinin aparılması üçün beş lisenziya verib.
Çərşənbə günü nazirlikdən bildiriblər ki, lisenziyalar təcili poçt xidmətlərinin göstərilməsi üçün "Kuryer" MMC, "Meridian-S" MMC, "Shirvan Ekspress", "Nigar 87" şirkətlərinə və "Nasilla International"ın Azərbaycan filialına verilib.
Azərbaycanda rabitə xidməti göstərilməsinə icazənin (lisenziyanın) alınması üçün maraqlı şirkət bunun üçün zəruri olan bütün sənədləri təqdim edərək ərizə verir. Müraciətə nazirliyin xüsusi komissiyası tərəfindən baxılır. Dövlət rüsumunun məbləği şirkətin göstərilməsində maraqlı olduğu xidmətin növündən asılıdır.