Azərbaycan, Bakı, 25 avqust / Trend , müxbir S.Babayeva/ Azərbaycanın ULTRA Computers şirkəti avqustun 24-dən 26-dək Aşqabadda keçirilən ikinci beynəlxalq "Telekommunikasiya, telemetriya, informasiya texnologiyaları və teleradio verilişləri" Turkmentel-2008 sərgisində iştirak edir, - Azərbaycan Rabitə və İnformasiya Texnologiyaları Nazirliyi xəbər verib.
Şirkət sərgidə "Elektron məktəb" və "Elektron imza" layihələri üzrə təklifləri və NEXUS-un yeni modellərini təqdim edir.
Sərgidə telekommunikasiya, informasiya texnologiyaları telemetriya və ölçmə avadanlıqları, simsiz rabitə, peşəkar audio-video qeydlər, teleradio verilişləri, rabitənin kabel məhsulu və onun komponentləri, rabitə sahəsində müxtəlif xidmətlərin təqdim edilməsi üzrə operatorlar bölmələri var.
Sərgi çərçivəsində sərginin mövzusuna dair elmi-praktik konfrans da keçiriləcək.
