...

İlin sonunadək Azerpocht maliyyə xidmətlərinin göstərilməsinə lisenziya ala bilər

Telekommunikasiya Materials 7 Oktyabr 2008 20:25

Trend-i buradan izləyin

Azərbaycan, Bakı, 07 oktyabr/ Trend , müxbir S.Babayeva/ İlin sonunadək Azərbaycanın Rabitə və İnformasiya Texnologiyaları Nazirliyinin (RİTN) Azerpocht Dövlət Müəssisəsi (DM) maliyyə xidmətlərinin göstərilməsi üçün Milli Bankdan lisenziya ala biləcək, - çərşənbə axşamı nazirlikdən bildiriblər.

"Bu məsələ ilə bağlı bütün rəsmi sənədlər hazırlandıqdan dərhal sonra biz (RİTN) Milli Bank ilə birlikdə qaydaların hazırlanması və  poçt bölmələri üçün lisenziyanın alınması üzərində işə başlayacağıq", - idarədən bildiriblər.

Rabitə Nazirliyindən bildiriblər ki, Azərbaycan bütün poçt bölmələri üçün 1 lisenziya veriləcək. Bu lisenziya əsasında bütün əlaqə bölmələri tədricən respublika ərazisində maliyyə xidmətləri göstərməyə başlayacaqlar.

Rabitə Nazirliyində yeni xidmətlərin qiymətinə toxunaraq, qeyd ediblər ki, tariflər bankların təklif etdikləri qiymətlərdən yüksək olmayacaq, əksinə ilk vaxtlarda hətta endirilmiş qiymətlərin tətbiqi də mümkündür.

İdarədən yeni xidmətlərin tətbiqinin gələn ilin sonunda başlayacağını proqnozlaşdırırlar. 2009-cu ildən başlayaraq poçt bölmələri maliyyə xidmətləri göstərməyə başlayacaqlar.

Ötən həftə Azərbaycan parlamenti "Poçt rabitəsi haqqında" Qanuna əlavə və dəyişikliklər qəbul edib. Bu əlavə və dəyişikliklər maliyyə xidmətlərinin göstərilməsi üçün ölkənin poçt şəbəkəsinin müasirləşdirilməsi ilə bağlıdır. Yeni dəyişikliklərə əsasən, Azerpocht-un funksiyaları ənənəvi poçt xidmətlərindən əlavə, maliyyə xidmətlərinə genişləndirilib.

Bundan sonra, poçt xidməti poçt hesablarının açılması və aparılması, pul köçürmələri, maliyyə müəssisələrində, o cümlədən Azərbaycan Milli Bankında müxbir hesabların açılmasını, poçt əmanətlərinin qəbulunu, ödəmə vasitələrinin, o cümlədən debit və kredit kartlarının, poçt çeklərinin buraxılışını, əcnəbi valyutanın alınmasını, nəqd pulların və digər qiymətli əşyaların inkassasiyasiyasını həyata keçirə biləcək.

Rabitə Nazirliyində hesab edirlər ki, Azerpocht 2011 - ci ilə, Dünya Bankı ilə birgə realizə edilən və əsas komponentinin maliyyə xidmətlərinin göstərilməsi olduğu "Maliyyə xidmətlərinin inkişafı" layihəsinin yekununda gəlirlə işləyən təşkilat ola bilər.

DM - in strukturuna 59 poçtamt, iki poçt müəssisi, iki törəmə müəssisə və səkkiz rabitə qovşağı daxildir.

Azerpocht-un strukturunda Azərbaycanın bütün yaşayış məntəqələrini əhatə edən 1,3 min poçt rabitə bölməsi fəaliyyət göstərir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti