Azərbaycan, Bakı, 10 oktyabr / Trend , müxbir S.Babayeva/ Cənubi Koreyanın bir sıra şirkətləri sərmayələrin yönləndirilməsi mövzusunda Azərbaycanın informasiya texnologiyaları bazarını öyrənir, Koreyanın Bakıdakı səfiri Lü Kvanq Çul Azərbaycanın rabitə və informasiya texnologiyaları naziri Əli Abbasovla görüşdə bildirib. Bu barədə Rabitə Nazirliyi xəbər verir.
Diplomatın sözlərinə görə, Cənubi Koreyanın SK&C şirkəti elektron hökumət üzrə layihələrin realizəsinə yardım göstərməyə hazırdır və artıq Koreyanın bankları bu layihələr üçün güzəştli əsasda kreditlərin ayrılmasını müzakirə edirlər.
"Koreya poçt rabitəsi sahəsində Azərbaycanla təcrübə mübadiləsi aparmağa hazırdır. Bunun üçün Koreyanın poçt mütəxəssisləri zərurət yarandığı və və qarşılqılı razılıq olduğu halda Azərbaycana səfər edə, kompleks araşdırmalar apara və ənənəvi və qeyri-ənənəvi, o cümlədən elektron poçt xidmətləri üzrə təkliflər paketi hazırlaya bilərlər", - səfir bildirib.
Azərbaycan və Koreya Respublikası informasiya-kommunikasiya texnologiyaları sahəsində Anlaşma memorandumu imzalayıblar.
Müəlliflə əlaqə saxlamaq üçün elektron ünvan: [email protected]
