Azərbaycan, Bakı, 12 fevral / Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi İnternet xidmətləri üzrə qiymətlərin düşmə dərəcəsini yoxlamaq üçün monitorinq keçirmək istəyir. Bu barədə Nazirliyin informasiya inkişaflı şöbəsinin rəhbəri Rüfət Gülməmmədov bildirib.
"Biz artıq 95 faiz provayderin Nazirliyin əmrindən sonra qiymətləri dövlət qiymətləri səviyəsinə saldıqlarını bilirik", - Gülməmmədov deyib. Onun sözlərinə görə, qalan 5 faiz provayderlər artıq qiymətlərin salınma yollarını axtarırlar.
"Biz onlarla əlaqə saxlamışıq. Onlar fevralın axırı-martın əvvəlində artıq bazarda rəqabətə malik olan qiymətlərini göstərəcəklər", - idarə müdiri deyib.
Azərbaycanda 30-35 provayder var ki, onlardan da 25-i aktiv fəaliyyət göstərir. İnternet istifadəçilərinin sayı ölkədə 1 milyondur.Bunlardan 45 mini isə genişzolaqlı İnternet abunəçiləridir.
Məqalə müəllifi ilə əlaqə: [email protected]
