Azərbaycan, Bakı, 06 aprel / Trend , müxbir S.Babayeva /
Azərbaycan Rabitə və İnformasiya Texnologiyaları Nazirliyinin (RİTN) nümayəndə heyəti Rabitə sahəsində Regional Əməkdaşlığın (RRƏ) rabitə administrasiyaları rəhbərlərinin mayın 21-də Brdoda (Sloveniya) keçiriləcək görüşündə iştirak edəcək. Bu barədə bazar ertəsi RİTN-dən bildiriblər.
"Azərbaycan nümayəndə heyətinə rabitə və informasiya texnologiyaları naziri Əli Abbasovun rəhbərlik edəcəyi gözlənilir. Nümayəndə heyətinin tərkibi hələ tam olaraq müəyyənləşməyib", - deyə nazirliyindən bildiriblər.
Rabitə Administrasiyaları Rəhbərləri Şurasının 40-cı iclası və MDB-yə üzv dövlətlərin RRƏ nəzdində informasiyalaşdirma üzrə Koordinasiya Şurasının 14-cü iclasının gündəliyində dəyişiklik şəraitində RRƏ iştirakçılarının poçt operatorlarının fəaliyyəti, Ümumdünya Poçt İttifaqının 24-cü Konqrssində qəbul olunan qərarlar fonunda poçt rabitəsinin universal xidmətləri üzrə qiymət formalaşdırma, Beynəlxalq Elektron Rabitə İttifaqının elektron rabitənin standartlaşdırılması üzrə ümumdünya aasambleyasının yekunları və RRƏ-nin onun qərarlarının icrası üzrə vəzifələri, milli strategiya və informasiya-kommunikasiya texnologiyalarının inkişafı proqramının yerinə yetirilməsi və s. məsələlər durur.
RRƏ-nin əvvəlki analoji iclası 2008-ci ilin yazında Aşqabadda keçirilib..
Məqalə müəllifi ilə əlaqə ünvanı: [email protected]