Azərbaycan, Bakı, 26 may / Trend , müxbir S.Babayeva /
Azərbaycan İranla sərhəd ərazilərdə GSM kanallarını razılaşdırır. Bu barədə Azəbaycan Rabitə və İnformasiya Texnologiyaları Nazirliyi yanında Dövlət Radiotezliklər İdarəsindən (DRİ) deyiblər. Bu məqsədlə DRİ-nin baş mühəndisi İrana səfər edəcək və GSM kanallarının koordinasiyası üzrə 1-3 iyunda Tehranda keçiriləcək iclasda iştirak edəcək.
Ötən ilin aprelində Rabitə və İnformasiya Texnologiyaları Nazirliyinin əməkdaşları və GSM operatorlarından ibarət nümayəndə heyəti analoji səfəri Gürcüstana ediblər.
Səfərin məqsədi GSM tezlliklərinin sərhədyanı bölgələrdə kəsişməsinin qarşısının alınmasından və mobil rabitənin normal fəaliyyət göstərməsini təmin etməkdən ibarət olub. Tərəflər həmçinin GSM kanallarının birgə monitorinqini təşkil ediblər.
Azərbaycanda hazırda üç mobil operator fəaliyyət göstərir - Azercell Telecom, Azerfon və Bakcell.
Ölkədə mobil rabitə istifadəçilərinin ümumi sayı 5 milyondan çoxdur.
Məqalə müəllifi ilə əlaqə ünvanı: [email protected]
