Azərbaycan, Bakı, 04 iyun / Trend , müx. N.İsmayılova /
Bu yaxınlarda 2008-ci ildə yaradılmış Azərbaycanın Rabitə və İnformasiya Nazirliyi nəzdində fəaliyyət göstərən yüksək texnologiyaların araşdırılması mərkəzi işə başlayacaq, cümə axşamı rabitə nazirinin müavini Elmir Vəlizadə bildirib.
"Artıq mərkəzin strukturunun yaradılması üzrə təşkilati işlər görülür", - Vəlizadə bildirib.
Apreldə Azərbaycanın Nazirlər Kabineti Azərbaycan Rabitə və İnformasiya Toxnologiyaları Nazirliyi nəzdində fəaliyyət göstərən yüksək texnologiyaların araşdırılması mərkəzinin nizamnaməsini təsdiq edib, beləki, mərkəzin ştatı 23 nəfərdən ibarət olacaq.
Bakıda yerləşəcək mərkəzin məqsədi Azərbaycanda elmin, texnologiyanın və texnikanın inkişafı üçün innovasiya təcrübəsinin həyata keçirilməsi, elm-texnologiya fəaliyyəti, prioritet istiqamətlərdə işlərin görülməsi, mərkəzdə aparılmış təcrübələr əsasında məhsulların prototiplərinin yaradılması, yüksək texnologiyalar üzrə insan resurslarının inkişaf etdirilməsi üçün yerli və xarici mütəxəssislərin cəlb edilməsi vasitəsi ilə treninqlərin təşkil edilməsidir.
Mərkəzin ştat cədvəli, rəhbərlik (direktor, onun müavinləri və baş mühasibatçı) rabitə və informasiya texnologiyaları naziri tərəfindən təsdiq olunur.
Mərkəzin maliyyə mənbələri dövlət büdcəsi və qanunvericiliklə nəzərdə tutulmuş digər mənbələrdir.
Məqalə müəllifi ilə əlaqə:[email protected]