Azərbaycan, Bakı, 09 iyun / Trend , müxbir C.Babayeva /
Azərbaycan Saranskda (Rusiya) keçiriləcək "Analoq yayımlanmadan rəqəmsal yayımlanmaya keçid, texniki, iqtisadi, sosial xərclər və üstünlüklər" seminarda iştirak edəcək, çərşənbə axşamı Rabitə və İnformasiya Texnologiyaları Nazirliyindən bildiriblər.
"İyunun 16-18-də Saranskda keçiriləcək seminarda Dövlət Radiotezliklər İdarəsinin və "Teleradio" İstehsalat Birliyinin mütəxəssisləri iştirak edəcək", - nazirlikdən bildiriblər.
Seminarın təşkilatçısı Beynəlxalq Elektrorabitə İttifaqının elektrorabitənin inkişafı bürosu və Rusiya Federasiyasının Rabitə Administrasiyasıdır.
Seminarın proqramı televiziya efirinin rəqəmsal yayımlanması şəbəkəsinin quraşdırılması təcrübəsi, layihələşdirmə, birtezlikli şəbəkənin qurulması və istifadəsi, kodlaşdırma sisteminin və nəqliyyat axınının formalaşdırılması prinsipinin və s. öyrənilməsini nəzərdə tutur.
Regional birliyin rabitə administrasiyasının və milli teleşəbəkə operatorlarının nümayəndələrinin iştirak edəcəyi seminar çərçivəsində rəqəmsal yayımlanmaya keçid problemləri üzrə "dəyirmi masalar" keçiriləcək.
"Azərbaycanda hazırda rəqəmsal yayımlanmaya keçid prosesi gedir, seminarda iştirak etmək bizim üçün məqsədə uyğundur", - nazirlikdən bildiriblər.
Məqalə müəllifi ilə əlaqə ünvanı: [email protected]
