Azərbaycan, Bakı, 30 iyun / Trend , müxbir Q.Vəliyev /
Sabah Lixtenauda (Almaniya) "LS-2009"-in XIV sammiti öz işinə başlayacaq. Tədbirin təşəbbüskarı Almaniyanın LS Telecom şirkətidir. Azərbaycanı sammitdə Rabitə və İnformasiya Texnologiyaları Nazirliyinin Dövlət Radio Tezlikləri İdarəsinin (RTi) rəisi Əflatun Məmmədov və RİTN-nin dövlət müəssisələrinin fəaliyyətinin koordinasiyası şöbəsinin müdiri Mirheydər İsmayılov təmsil edəcək. Bu barədə Trend -a çərşənbə axşamı RTİ-dən bildirilib.
Tədbir zamanı radio qəbulu, tezlik resurslarının monitorinqi və səmərəli istifadəsi mövzusunda məruzələr ilə ali tədris müəssisələrinin professorları və Almaniya, İngiltərə və Hollandiyanın telekommunikasiya şirkətlərinin aparıcı mütəxəssisləri çıxış edəcək. Seminarın əsas mövzusu DVB standartına əsalanan rəqəmsal televiziyanın tətbiqi mövzusu olacaq. Məruzəçilər yaxın gələcəkdə analoq siqnalın translyasiyasının kəsilməsi ilə əlaqədar olaraq yayımçıların rahatlığı üçün işlənib hazırlanan DVB-T2 standartına əsaslanan gələcək rəqəmsal televiziyanın təfərrütları barədə çıxış edəcəklər.
Yerüstü rəqəmsal teleradio yayım sistemi DVB-T2-nin ikinci nəsli təsbit edilmiş, mobil və s. qəbul üçün tətbiq edilə bilər, onun sərfəli yüklənməsi analoji şərtlərdə əvvəlki versiyasından (DVB-T) 30-50% çoxdur. Onu hazırlayanlar bu standartın istehlakçı dekoderləri ilə uyğunlaşmasına vəd verirlər.
