Azərbaycan, Bakı, 04 iyul / Trend , müxbir Q.Vəliyev /
Azərbaycan dilində niqtin tanınması üzrə kompüter sisteminin yaradılması çərçivəsində aparılan işlərin birinci mərhələsi başa çatıb. Bu barədə Trend -a cümə günü "Dilmanc" layihəsinin rəhbəri Əbülfət Fətullayev bildirib.
Fətullayevin sözlərinə görə, sistem Azərbaycan dilində 130 min söz və söz birləşməsi müəyyən etmək qabiliyyətinə malikdir. Sistemdə Acoustic və Language modulları istifadə olunub. Language modulu 150 milyon lüğət formasından ibarət korpus üzərində qurulub, Acoustic modulu isə 50 saatlıq nitq korpusunda qurulub. Sistemin yaradılmasında 1500 spikerin səsindən istifadə edilib.
Sistem mətnin mikrofon vasitəsilə ötürülməsi üçün əlverişlidir. Dil filtri tələffüz xüsusiyyətləri əsasında qurulub, bu isə Windows-dakı hər bir redaktor arasında danışıq nitqini mətnə köçürməyə imkan verir.
Hazırda böyük cümlələrin elektron formaya ötürülməsinin sürəti 15-16 saniyə təşkil edir. Gələcəkdə sistemin təkmilləşdirilməsindən sonra bu göstərici daha da yaxşılaşacaq. Sistemin ilkin versiyasına ilin sonunda http://www.dilmanc.az saytında baxmaq olar.
Məqalə müəllifi ilə əlaqə ünvanı: [email protected]