Azərbaycan, Bakı, 8 avqust / Trend , müxbir H. Vəliyev/
Bir gün əvvəl Azərbaycan Prezidenti İlham Əliyev xüsusi razılıq (lisenziya) tələb edən fəaliyyət növlərinin siyahısına 3G standardı üzrə rabitə xidmətlərinin göstərilməsinə lisenziya verilməsini nəzərdə tutan maddənin daxil edilməsi barədə fərman imzalayıb.
Dövlət başçısının fərmanına əsasən, Nazirlər Kabinetinə bir ay müddətində xüsusi razılıq (lisenziya) verilməsi üçün tələb olunan əlavə şərtlərin müəyyənləşdirilməsi tapşırılıb.
Lisenziyanın hökumət tərfindən müəyyənləşdirilmiş rəsmi məbləği 11 000 manatdır.
Milli opreatorlar yeni nəsil şəbəkələrin istifadəyə verilməsinə hazır olduqlarını bildiriblər. Lakin, hər şey dövlətin nə zaman gərəkli radiotezlik resursları ayıracağı və lisenziya verəcəyindən asılı idi. Hər üç GSM opreatoru (Bakcell, Azercell, Azerfon) lisenziya almağı planlaşdırır.
Şirkətlərin kifayət qədər böyük abonent bazası, lisenziya verən tərəfin tələblərinə cavab verən hazır şəbəkəsi və şəbəkə infrastrukturu var.
Lisenziya alan operatorlar infrastruktura çoxlu miqdarda vəsait qoymalıdırlar. Şirkətlər hər baza stansiyasının şəbəkə avadanlıqlarını, bütün kommutatorları müasirləşdirməlidirlər.
Şirkətlər öz şəbəkələrini mobil rabitənin ən geniş şəkildə kök saldığı Bakıda genişləndirməyə başlayacaqlar. Hazırda hər üç operator artıq test zonalarını genişləndiriblər, öz əməkdaşları üçün daxilikorporativ servis təqdim ediblər.
Şəbəkələrdə mövcud olan hazırkı resurs məhdudluğu abonentlərin yeni xidmətlərə tələbatını təmin etməyə imkan vermir. Buna görə də, bazar iştirakçıları üçüncü nəsil texnologiyalarına keçiddə perspektiv görürlər. Yeni nəsil texnologiyalar məlumatların və multimedianın yüksək sürətlə ötürülməsini təmin edəcək.
Məlumatların ötürülməsinin sürətinə görə, üçüncü nəsil şəbəkələri məlumatların ötürülmə sürətini 2 Mbit/san.-yə qədər təmin edən İSP şirkətlərinə potensial rəqib ola bilərlər.
Mobil rabitə bazarının iştirakçıları yaxın iki ildə 3G şəbəkələri üçün baza olacaqlarına və inkişaf tədbirləri ilə insanların həyata daha möhkəm surətdə daxil olacaqlarına əmindirlər.
Üçüncü nəsil şəbəkəsinə keçid dəyişikliksiz baş verəcək və abonentə ziyan vurmayacaq. 3G texnologiyalarının üstünlüklərindən danışarkən, mobil televiziya, video-telefon, İnternetə giriş, həcmli faylların göndərilməsi və alınması və s. nəzərdə tutulur.
Hazırda Rabitə və İnformasiya Texnologiyaları Nazirliyi abonentlərə 3G rabitə xidməti göstərilməsini tənzimləyən qanun layihəsinin hazırlanması məsələsini nəzərdən keçirir. Nazirlikdən qeyd olunduğu kimi, ölkədə 3G xidməti sahəsində qanunvericilik tətbiq olunarsa, abonentlərə xidmət mərkəzlərində lazımlı avadanlığın quraşdırılması üzrə texniki məsələlər uzun vaxt aparmayacaq. Nəticədə 3G xidmətləri ən qısa zamanda tam tətbiq olunacaq.
Tezlik tənzimlənməsi 3G lisenziyasının alınması üzrə müsabiqənin keçirilməsi zamanı ən mürəkkəb məqamlardan biridir. Müsabiqənin keçirilməsi üçün ilk növbədə Beynəlxalq Elektrikrabitə Birliyinin 2 GHz diapozonuna identifikasiya etdiyi radiotezlik zolağının istifadə şərtlərini müəyyənləşdimək lazımdır.
Bu gün operatorlar üçüncü nəsil standardlarının tətbiqi üçün LTE və UMTS texnologiyalarını nəzərdən keçirilər.
Məqalə müəllifi ilə əlaqə ünvanı: [email protected]
