Azərbaycan, Bakı, 20 avqust / Trend , müxbir H. Vəliyev /
Dövlət Radiotezliklər İdarəsi (DRİ) 23-31 avqustda Tallində (Estoniya) keçiriləcək Dream-on-Demand III Rəqəmsal Yayım Konfransının işində iştirak edəcək. Bu barədə Trend -a DRİ-nin baş mühəndisi İlham Əfəndiyev deyib.
Konfrans Estoniyanın Levira milli yayım korporasiyası tətərfindən təşkil edilir.
Əfəndiyevin sözlərinə görə, tədbirdə Azərbaycan tərəfinin iştirakı rəqəmsal televiziyanın tətbiqində eston təcrübəsini öyrənməklə əlaqədardır. Beləki, bu il iyulun 1-dən Estoniyanın rəqəmsal efir televiziyasına keçməsi üçün gerisayım başlayıb. Bir ildən sonra, 2010-cu il iyulun 1-də bütün analoq TV ötürücüləri bağlanacaq. Estoniya rəqəmsal efir TV-yə tam keçməklə Aİ-nin yeni üzvlərindən birinci ölkə olacaq.
Azərbaycanda paytaxt ərazisində MPEG-4 formatlı rəqəmsal TV-nin təbiqi işi sentyabradək başa çatdırılacaq. Əfəndiyevin sözlərinə görə, hazırda avadanlıqların quraşdırılması işi başa çatdırılır və yaxın zamanlarda test işləri başlayacaq. MPEG-2 formatından fərqli olaraq, MPEG-4 formatı bir kanalla dörd yox, doqquz proqramın yayımını nəzərdə tutur.
Məqalə müəllifi ilə əlaqə ünvanı: [email protected]
