Azərbaycan, Bakı, 09 oktyabr / Trend , müxbir H.Vəliyev/
"Azərpoçt" müəssisənin strategiyası ilin sonuna kimi yeni maliyyə-bank xidmətlərinin təbiqini və gəlirliliyin artırılmasını nəzərdə tutur, bu barədə bu gün "Rabitə Evi"ndə Ümumdünya Poçt Günüünün 135 illiyi münasibəti ilə keçirilən ənənəvi tədbirdə Azərbaycanın rabitə və informasiya texnologiyaları naziri Əli Abbasov bildirib.
Abbasovun sözlərinə əsasən, müəssisənin potensialının artırılması layihəsi çərçivəsində "Azərpoçt" infrastrukturunun inkişafı nəticəsində xərcləri azaltmaq və gəliri artırmaq imkanı yaranacaq.
Müasir poçt daima inkişaf edir, aparıcı texnologiyalar ilə, eyni zamanda informasiya kommunikasiya texnologiyaları ilə təchiz olunur, öz fəaliyyətini diversifikasiya edir. Azərbaycanın rabitə və informasiya texnologiyaları naziri Abbasov bu gün poçt rabitəsinin ictimaiyyətdə oynadığı rolu və geniş imkanları, poçt rabitəsi sahəsində tətbiq olunan, vətəndaşları lazımı xidmətlərlə təmin edən yeni texnologiyalar barədə danışıb.
Nazirliyin məlumatına əsasən, 2010-cu ildə müəssisənin işi tamamilə səmərəli olacaq, 2011-ci ildə illik gəlir 20 faiz təşkil edəcək.
Məqalə müəllifi ilə əlaqə ünvanı: [email protected]
