Azərbaycan, Bakı, 16 oktyabr / Trend , müxbir H.Vəliyev/
Azərbaycan Ədliyyə Nazirliyi ədliyyə sisteminin təkmilləşdirilməsi layihəsi çərçivəsində Web-saytların yaradılması və kompyuter avadanlığının alınması üzrə tender keçirir .
Web-saytların açılışı üzrə tender Ədliyyə Nazirliyi, Məhkəmə Hüquq Şurası və məhkəmələr üçün internet resurslarının yaradılmasını nəzərdə tutur. Tenderdə iştirak etmək üçün sənədlər oktyabrın 20-si saat 18:00-a kimi nazirliyin binasında qəbul olunur.
Kompyuter avadanlıqlarının alınması üzrə tenderdə iştirakın qiyməti 150 manat təşkil edir. İştirakçıların təklifləri noyabrın 26-sı saat 15:00-a kimi qəbul olunur. Tender təkliflərinin açılması həmin gün keçiriləcək.
Məqalə müəllifi ilə əlaqə ünvanı: [email protected]
